Танымал тегтер

Кворум

Жиналыс, отырыс пен сайлауды заңды деп тану үшін соларға қатысуы керек адамдар саны. Әдетте кворум қатысушылардың 50 %-нан көп болуы керек.

Қазақстанда парламент пен Конституциялық кеңестің отырысына мүшелердің ⅔-нен көбі баруға тиіс. Әйтпесе осы отырыста шығарылған шешім заңсыз деп есептеледі не жиналыс кейінге қалдырылады.

Ал президент және парламент сайлауында кворум жоқ, яғни сайлаушылардың 1 %-ы дауыс берсе де, сайлау өтті деп есептеледі. Бұрын сайлауды заңды деп тану үшін оған сайлаушылардың жартысы қатысуы керек еді. Алайда бұл кворум 1998 жылы алып тасталды.