Саясат, әлеуметтану, философия мен тарих туралы сегіз YouTube каналын тізіп шықтық.

Бұрын да осындай он арнаның топтамасын жасаған едік. Оқып шығыңыз.

«Правое полушарие Интроверта»

Arzamas-ты жақсы көретіндер осы арнаны көрсін. Одан философия, мәдениет, саясат пен кино туралы 15 минуттық түрлі видео көруге болады. Өнер мен мәдениет туралы подкастарын да тыңдап шығыңыз. 

Көруге кеңес береміз:

Tamara Eidelman

Бұл арна дүниежүзі тарихында айрықша орын алған түрлі оқиғаны орысша талдайды: Троя соғысы, әйел бостандығы, Скандинавия құдайлары, Ежелгі Грекия мен Қытай және тағысын-тағы. Видеолар ұзақтығы — 30–60 минут. 

Көруге кеңес береміз:

«Дорога людей»

Канал Қазақстан мен Орталық Азия тарихын жақсы көретіндерге арналған. Қазақ қалай жүзге бөлінді, қазақ әліпбиінің өзгеруі, Ресей патшалығы кезіндегі Мемлекеттік думадағы қазақтар, адам жерлеу дәстүрі, Алтын Ордадағы сот жүйесі — көшпенділер туралы көптеген сұраққа жауап табуға болады. Видеолардың орташа ұзақтығы — 20 минут. 

Көруге кеңес береміз: 

CrashСourse

Мектепте география, философия, тарих сабағынан кей тақырыпты түсінбей қалсаңыз, осы каналды көріңіз. Автор оларды ағылшын тілінде қысқаша түсіндіреді. 

Көруге кеңес береміз: 

Epic History TV 

Дүниежүзіндегі әскери қақтығыстарды әңгімелейтін канал. Авторлары оқиғаларды жай баяндап қана қоймай, әр шайқасты егжей-тегжейлі талдайды: соғыс картасы мен әскерлердің тактикалық амалдарын қарастырады. Видеолар ағылшын тілінде шығады, көбін орысша субтитрмен көруге болады.

Көруге кеңес береміз: 

CaspianReport

Саясат пен экономиканы, дүниежүзіндегі қарулы және басқа қақтығыстарды географиялық тұрғыдан талдайтын арна. Картаға қарап отырып шиеленісті, түсініксіз боп көрінген тақырыптарды оп-оңай түсінуге болады. Өзіміз Кореяның екіге бөлінуі мен кемализм философиясы туралы видеоларды кейін көруге сақтап қойдық. 

Көруге кеңес береміз:

Macat 

Арна әр видеосында белгілі бір тақырыпқа кіріспе жасайды. Мысалы, тарих, философия, бизнес, экономика. Видеолар ұзақтығы — 3–4 минут. 

Көруге кеңес береміз: 

«Максим Кац»

Ресей оппозиционері Максим Кацтың арнасы. Саясаткер дүниежүзі, көбіне Ресей саясаты мен тарихы туралы ой толғайды, күн сайын саясат, мемлекетті басқару, құқық жайында жаңалық шығарады.

Көруге кеңес береміз: 

Иллюстрация: Лейла Тапалова