Орталық сайлау комиссиясы кезектен тыс президент сайлауының қорытындысын жариялады.

Орталық сайлау комиссиясының төрағасы Нұрлан Әбдіровтің хабарлауынша, Қасым-Жомарт Тоқаевқа 6 млн 456 мың 392 сайлаушы (81,31%) дауыс берген. Ал «Бәріне қарсымын» графасын 460 484 (5,8%) сайлаушы таңдаған.

- Жигули Дайрабаевқа 271 641 (3,42%) сайлаушы.

- Қарақат Әбденге 206 мың (2,6%) сайлаушы.

- Мейрам Қажыкенге 200 907 (2,53%) сайлаушы.

- Нұрлан Әуесбаевқа 176 116 (2,22%) сайлаушы.

- Салтанат Тұрсынбековаға 168 731 (2,12%) сайлаушы.

Еуропадағы қауіпсіздік және ынтымақтастық ұйымы миссиясының басшысы Урсула Гацек Қазақстанда өткен президент сайлауына саяси бәсекелестік болмағанын, сайлау туралы заң, кандидаттарға қойылатын талаптар ЕҚЫҰ мен халықаралық стандарттарға сәйкес келмейтінін мәлімдеді.