Фото: Ашық дереккөзден 

Нұрсұлтан Назарбаевтың інісі Болат Назарбаев қайтыс болды. Ақпаратты экс-президенттің баспасөз хатшысы Айдос Үкібай растады. 

Бұған дейін бірнеше рет БАҚ пен әлеуметтік желіде оның ауыр дертке шалдығып, ауруханаға түскені жөнінде ақпарат тараған. Ел арасында оның ауырғанына сенбейтіндер де пайда болған. 

– Сағат 9:28-де жүрегі тоқтап қалған. 23 минут бойы реанимациялық шаралар жүргізіліп, бәрі нәтижесіз болып шықты, – деп жазылған Ratel.kz таратқан ақпаратта. 

Кейіннен Нұрсұлтан Назарбаевтың баспасөз хатшысы Айдос Үкібай Х желісінде Болат Назарбаевтың қайтыс болғанын растады. 

– 71-ге қараған шағында созылмалы аурудың салдарынан ҚР Тұңғыш президенті Нұрсұлтан Назарбаевтың туған інісі Болат Назарбаев дүниеден озды, – деп жазды Үкібай. 

Азаттық радиосы Алматыда Болат Назарбаев жатқан аурухана алдына қымбат көліктер келіп, ғимарат сыртында қарбалас болып жатқанын жазды. 

Болат Назарбаев 1953 жылы 23 наурызда дүниеге келген. Оның есімі стратегиялық салаларды монополиялап алу және рейдерлік шабуылдар төңірегіндегі дауларда жиі аталды.