Қазақстанда телефон коды өзгертілуі мүмкін

+7 +997 болып өзгертілмек дейді министр Бағдат Мусин


21/09/2021
14:52 33793 0

Фото: visasam.ru

 

Қазақстанда телефон коды +997 деп өзгертілуі мүмкін. Мұны Цифрлық даму, инновация мен аэроғарыш министрі Бағдат Мусин Facebook-тен хабарлады. 

 

Код өзгерсе, Қазақстан азаматтары басқа елге қоңырау шалғанда шетелдіктердің телефонында Қазақстан деген жазу шығады. 

 

— КСРО тарағанда +7 халықаралық телефон коды екі елге бірдей бекітілген еді. Біз Қазақстанға ғана тиесілі халықаралық кодқа қол жеткізу үшін былтырдан бері телекоммуникация саласындағы компаниялармен бірге жан-жақты жұмыс істеп жатырмыз. Осы келіссөздердің нәтижесінде біздің елге дербес +997 коды резервке қойылды!

Қазір тиісті құжаттар рәсімделіп, жаңа кодқа көшу бойынша іс-шаралар атқарылып жатыр, — дейді министр. 

 

Қазақстанда телефон нөмірлері +7 деп басталады. 

 


 

Telegram, Instagram, Facebook, Twitter-дегі парақшамызға жазылыңыз. 

 


 

Бөлісу

Пікірлер жоқ.

21/09/2021 14:52
33793 0

Уведомление