Жібек Жолы метро станциясынан жоғары, Панфилов жаяу жүргіншілер көшесінде орнатылған. Куб тәріздес мемориалдың бір жақ бетінде экс-президент Нұрсұлтан Назарбаев пен қазіргі мемлекет басшысы Қасым-Жомарт Тоқаев бейнеленген. Екі бейненің ортасында тәуелсіз Қазақстан тарихында болған қанды оқиғалар мен саяси себеппен қаза тапқан адамдардың аттары қызыл-қара түспен жазылған. 

Мемориалмен қатар Rukh2k19 инстаграм парақшасында #QazaqKoktemi арт тобының мәлімдемесі де жарияланды. Онда жақында 15 адамның өмірін қиған Абай облысында болған өрт жөнінде, елдегі саяси жағдай, тағайындалатын әкімдер, қорлық пен зорлық көрген халық жөнінде жазылған.