1 қыркүйекте Қазақстан президенті Қасым-Жомарт Тоқаев Сенат пен Мәжілістің біріккен отырысында халыққа үндеу жолдады. Біз мемлекет басшысының не дегенін 300 сөзбен түсіндіріп береміз. Толық нұсқасын мына жерден оқыңыз.

• Әлеуметтік төлемдер мөлшерін көбейту үшін 1 триллион теңге бөлінбек. 

• Стратегиялық жоспарлау және реформалар жөніндегі агенттік құрылады. Ол тек президентке бағынады. 

• Шенеуніктер санын биыл 10, келесі жылы 15 %-ға азайтуды тапсырды. 

• Жер шетелдіктерге сатылмайды деді. 

• Шағын және орта бизнесті (ШОБ) дамытуға арналған жаңа құқықтық нормаларды жасауды тапсырды. 

— Мемлекеттік органдардың бизнеске заңсыз араласуы, олардың жұмысына кедергі келтіруі мемлекетке қарсы ауыр қылмыс деп қабылдануы тиіс, — дейді ол. 

• ШОБ мемлекеттік және квазимемлекеттік секторға жататын орындарды жалдау ақысын жыл соңына дейін төлемейді.

• Мемлекеттің ШОБ несилерінің 6 %-ға дейінгі пайыздық мөлшерін төлесін деп тапсырды. Субсидия 12 айға беріледі. 

• Ұлттық банкте Ақша-несие саясаты жөніндегі комитет құрылады. Оның құрамында тәуелсіз мүшелер де болады. Салық пен төлемдердің саны мен мөлшері кемиді. 

• Онлайн петиция институтын құруды тапсырды. Ол арқылы азаматтар реформалар мен ұсыныстарын айта алады. 

• Президентке тікелей қарасты бәсекелестікті қорғау және дамыту жөніндегі агенттік құрылады. Бәсекелесті дамыту үшін мемлекет меншігінен ұлттық объектілерді алу қажет дейді. 

• 2021 жылы 700 мың Біріңғай жинақтық зейнетақы қорына салымшы жинағының бір бөлігін баспана алу, оқу мен емделуге жұмсай алады. 

• Мәслихат отырыстарын онлайн көрсетілу қажет деді.

• Жылдың екінші жартысында медқызметкерлерге үстемақы төлеу үшін 150 миллиард теңге бөлуді тапсырды. Дәрігерлердің жалақысы 2023 жылға дейін екі есе артады. 

• Жыл соңына дейін елде 13 жұқпалы аурухана салынады. 

• Алты жыл бұрын жойылған Төтенше жағдайлар министрлігі қайтадан құруды тапсырды. 

• Үкіметке бала көтере алмай жүргендерге арнап «Аңсаған сәби» жобасын іске қосып, ЭКО бойынша квота санын 7 мыңға, яғни жеті есе көбейтуді тапсырды.  

• Ауыл әкімдерін тағайындамай, тікелей сайлауды ұсынды. 

• Мемқызметкерлер, депутаттар мен судьялардың шет елде есепшотқа ие болуына, қолма-қол ақша мен бағалы заттарды сақтауына заңнама деңгейінде шектеу қою керек деді. 

• Жыл соңына дейін 250-ден астам тұрғыны бар әр ауылда интернет болады. 

• 2021 жылдан бастап мемқызметкерлерді бағалайтын жүйе пайда болады. 

• Экономиканы индустриялау мен ауыл шаруашылығын дамыту үшін құрылған «Бәйтерек» пен «Қазагро» ұлттық компаниялары бірігеді.

Фото: ҚазАқпарат