Унитар мемлекет деген не? 

Территориясы бүтін, автономиялық аймақтарға бөлінбеген мемлекет: ондағы облыстар, қалалар мен аудандар тәуелсіз субьектілер емес, бір мемлекеттің тең бөліктері. Азаматтары бір билікке — бір үкімет пен президентке, бір заңға бағынады. 

Унитар мемлекетте: 

• тұрғындардың азаматтығы бір;
• бір ғана ортақ мемлекеттік тіл болады;
• ортақ бюджеті бар;
• өз үкіметі бар саяси тәуелсіз, яғни автономия аймақтары жоқ;
• ортақ Конституциясы бар; 
• азаматтары бір заңға, бір орталыққа бағынады. 
  

Қазақстан — унитар мемлекет, Конституцияда осылай жазылған. Дүниежүзіндегі мемлекеттердің 85 %-ы унитар. Мысалы, Франция, Финляндия, Жапония және ТМД елдерінің көбі. 

Унитар емес елдер федерация мемлекет деп аталады. Бұл дегеніміз — бір елдің ішінара тәуелсіз, өз заңдарын шығаратын аймақтары болады. Мысалы, Германия, Канада, Біріккен Араб Әмірлігі, Ресей, АҚШ.