Смағұлов пен Рахымбаевтың дәулеті

Тізімге алғаш рет дәулеті 1 миллиард доллардан асқан кәсіпкерлер Нұрлан Смағұлов пен Айдын Рахымбаев еніп отыр. Forbes бағалауы бойынша Смағұловтың байлығы 1,3 млрд долларды құрайды, ол әлемдік тізімде 2858-орында. Ал Рахымбаевтың дәулеті 1,1 млрд долларға бағаланған. Ол рейтингтің 3185-сатысында тұр.

Нұрлан Смағұлов – Аstana Group президенті, MEGA сауда-ойын-сауық орталықтары желісінің негізін қалаушы және иесі.

Ал Айдын Рахымбаев – Қазақстандағы ең ірі девелоперлік компаниялардың бірі – BI Group холдингінің негізін қалаушы әрі басшысы.

Қазақстанның ең бай бизнесмендері

Forbes жаһандық тізімінде Қазақстанның өзге де дәулетті бизнесмендері бар. Еліміздің ең бай азаматы – Вячеслав Ким 7,8 млрд доллар дәулетімен рейтингтің 477-сатысына жайғасқан. Ал байлығы 5,9 млрд долларға бағаланған Владимир Ким 712-орында. Тимур және Динара Құлыбаевтардың әрқайсы 5,4 млрд доллар дәулетімен 780-орыннан көрінді. Forbes Болат Өтемұратовтың да жиған-тергенін 5,4 млрд долларға бағалаған. Ал Тимур Турлов 5,2 млрд доллар байлығымен 823-орында тұр.

Жалпы алғанда, Forbes-тің 2026 жылғы әлемдік рейтингінде байлығы 1 миллиард доллардан асатын 3400-ден астам адам бар.