Рояль, таңқы шаян мен омар: Сарапшылар назары Пентагон шығындарына ауды
АҚШ Қорғаныс министрлігі жылдық бюджет жабылар алдындағы соңғы айда шамамен 10 млн долларға таңқы шаян мен омар, ал 15 млн долларға премиум санаттағы сиыр етіне тапсырыс берген, деп хабарлайды Masa media.
07:45
60
0
АҚШ-та қаржы жылы қазан айында басталады. Қоғамдық ұйым өкілдері осы кезеңде министрліктер кейін бюджет қысқарып қалмас үшін бөлінген қаржыны барынша жұмсауға тырысатынын айтады. Open the Books дерегіне сәйкес, соңғы жылдары Пентагонның қыркүйек айындағы шығындары арта түскен.
Ұйым мәліметінше, 2025 жылдың қыркүйегінде Пентагон Аляска крабын сатып алуға 2 миллион доллар жұмсаған. Сондай-ақ әскери ведомство 6,9 миллион долларға омардың құйрықтарын сатып алған.
Алайда ұйым бұл ақпараттың нақты дереккөзін көрсетпеген.
Хабарламада айтылғандай, бұл – әскери ведомствоның бір ай ішінде патша крабына 2 миллион доллардан астам қаржы жұмсаған бесінші жағдайы. Оның екеуі қазіргі АҚШ президенті Дональд Трамптың алғашқы президенттік мерзімі кезінде, ал үшеуі 2025 жылы болған. Басқа президенттер кезінде мұндай жағдай бір рет қана тіркелген — 2021 жылдың ақпанында, президент қызметіне Джо Байден жаңадан кіріскен кезде.
Жыл аяқталар алдында Пентагон 15,1 миллион долларды премиум стейктерге, ал 124 мың долларды балмұздақ дайындайтын аппараттарға жұмсаған.
Баяндаманы дайындаған авторлардың айтуынша, музыкалық аспаптарға жалпы 1,8 миллион доллар кеткен. Оның ішінде Әуе күштері қолбасшылығы басшысы үшін алынған 98 мың долларлық Steinway & Sons роялі, 26 мың долларлық скрипка, сондай-ақ жапондық люкс бренд жасаған 22 мың долларлық қолөнер флейта бар.
Facebook
Twitter
Vkontakte
Telegram
Whatsapp
Пікірлер жоқ.