Рим епархиясының дін қызметкерлерімен кездесуде Рим Папасы Лев уағыз дайындауда жасанды интеллектіні қолдануға тыйым салды, деп хабарлайды Masa media Bloomberg агенттігіне сілтеме жасап.

Понтификтің айтуынша, уағыз – діни қызметкер мен қауым арасындағы сенімге негізделген жеке рухани әңгіме. Мұндай байланысты ешбір технология толық жеткізе алмайды. Сондықтан ол священниктерге өз қауымының тыныс-тіршілігін тереңірек танып, адамдармен тікелей қарым-қатынас орнатуды тапсырды.

 Папа әсіресе жастармен байланысқа ерекше мән берді.

 «Достық қарым-қатынас, бірге спортпен айналысу, өнер мен мәдени бастамаларға қатысу жастарға жақындаудың тиімді жолы. Осындай шынайы жүздесулер ғана рухани байланысты нығайтып, қазіргі қоғамның сұранысын дұрыс түсінуге мүмкіндік береді», - деді ол кездесуде.