1 қазанда өткен жартылай финалда Путинцева Қытай өкілі Чжан Шуаймен кездесіп, 4:6, 2:6 есебімен есе жіберді. Осылайша қазақстандық теннисші финалға шыға алмай, жарысты қола жүлдемен аяқтады.

Путинцева ширек финалда Таиланд өкілі Мананчая Савангкаевты 6:3, 6:0 есебімен сенімді жеңіп, жартылай финалға жолдама алған еді.

Қазақстандық теннисшінің Азиададағы жарысы мұнымен аяқталған жоқ. Бүгін ол Анна Данилинамен бірге әйелдер арасындағы жұптық сынның ширек финалында Қытайдың Цзян Синьюй/Ян Чжаосюань жұбына қарсы ойнайды.

Сондай-ақ Жібек Құламбаева мен Соня Жиенбаева жұптық сынның ширек финалында Гонконг өкілдері Юдис Чонг пен Коди Вонгпен кездеседі.