Sports.kz-тің жазуынша, Асаубаева төрт мәрте жеңіске жетіп, жеті рет тең ойнады және екі рет жеңілді. Ол мүмкін болатын 13 ұпайдан 7½ ұпай жинап, бесінші орынға ие болды.

«Жыл жақсы басталды», - деді шахматшы өзінің Instagram-дағы парақшасында.

Challengers турнирінде бірінші орынды 10 ұпай жинаған американдық шахматшы Энди Вудворд иеленді. Екінші орын – украиндық шахматшы Василий Иванчукке (9½ ұпай), үшінші орын Әзірбайжаннан келген Айдын Сүлейманлыға (9 ұпай) бұйырды.

Естеріңізге сала кетейік, желтоқсан айында Бибісара Асаубаева өз мансабында үшінші рет блиц бойынша әлем чемпионатын жеңген болатын.