Бұдан былай дипломы жоқ блогерлер онлайн-курс өткізе алмайды
Бұдан былай Қазақстанда онлайн курс сататын блогерлерден өзі үйрететін сала бойынша тиісті білімі барын көрсететін дипломның болуы талап етілмек.
19:44
101
0
Жаңа заң жобалары
Жуырда бір топ сенатор Үкімет басшысы Олжас Бектеновке депутаттық сауал жолдап, әлеуметтік желідегі жарнамаларды бақылауға алуды сұраған. Премьер-министрдің депутаттарға берген жауабына сүйенсек, ақпарат саласында киберқауіпсіздікті күшейту бағытында Әкімшілік кодекске онлайн-платформалар және масс-медиа мәселелері бойынша өзгерістер мен толықтырулар енгізу туралы» заң жобалары әзірленген. Аталған заң жобаларына бірқатар жаңа нормалар енгізілген.
Нормалардың бірі ел аумағында онлайн-платформа өкілдігінің онлайн-платформада құқыққа қайшы контентті жою жөніндегі уәкілетті органның нұсқамаларын орындамағаны үшін әкімшілік жауапкершілік енгізуді көздейді.
Курс сатасың ба – дипломыңды көрсет
«Белгілі бір салада білім беру курстарын және (немесе) оқыту материалдарын қамтитын контентті тарататын онлайн-платформа пайдаланушыларына мұндай контентті тиісті білімі бар екендігі туралы хабарламамен, диплом және (немесе) сертификат деректерін көрсете отырып сүйемелдеу міндетін белгілеу көзделеді», – делінген жауапта.
Қаңтар айында заң жобалары Үкіметтің заң шығару жұмысының қағидаларына сәйкес мүдделі мемлекеттік органдарға келісуге жіберілген.
Facebook
Twitter
Vkontakte
Telegram
Whatsapp
Пікірлер жоқ.