Қазақстанда дәрі-дәрмек тапшылығы тууы мүмкін
Қазақстандық дәріханалар дәрілік препараттар бағасы айтарлықтай өсуі мүмкін екенін ескертті. Бағаның шарықтауы кейбір дәрілік заттардың тапшылығын тудыруы ғажап емес.
21:33
30
0
Салмақ халықтың қалтасына түседі
«Атамекен» Ұлттық кәсіпкерлер палатасы төрағасының орынбасары Тимур Жәркенов медицина саласындағы ҚҚС бойынша жеңілдіктердің жойылуына қатысты туындайтын проблемаларды атады.
Оның айтуынша, Салық кодексіне сәйкес, дәрілік заттарды өткізу және импорттау бойынша ҚҚС босату тек тегін медициналық көмек көрсету мен міндетті медициналық сақтандыру мемлекеттік қоры, сондай-ақ әлеуметтік маңызы бар және орфандық ауруларды емдеу үшін ғана сақталады.
«Коммерциялық сегментте сатылатын дәрілік заттарға, медициналық мақсаттағы бұйымдарға, сондай-ақ оларды өндіруге арналған материалдар мен компоненттерге 2026 жылдан бастап 5% және одан әрі 10% ставка бойынша ҚҚС салынады. Бұл, бизнес өкілдерінің пікірінше, соңғы тұтынушылар үшін шығындардың өсуіне әкелуі мүмкін», - деді Жәркенов.
Тапшылық
Сонымен қатар белгіленген шекті бағалар бойынша коммерциялық сегментте дәрілік заттар мен медициналық мақсаттағы бұйымдар тапшылығын тудыратыны айтылды.
«Фармацевтикалық субстанциялар, дәрі-дәрмектер мен медициналық мақсаттағы бұйымдар өндіруге арналған жабдықтарды өткізу және импорттау бойынша айналымдарға 16% базалық мөлшерлеме бойынша ҚҚС салынатыны қосымша атап өтілді», - делінген үкімет хабарламасында.
Facebook
Twitter
Vkontakte
Telegram
Whatsapp
Пікірлер жоқ.