Фото: «Еркіндік қанатының» Instagram парақшасы

«Еркіндік қанаты» қоғамдық қоры Астанада (Нұр-Сұлтанда) адам құқығы туралы курс өткізеді. 

Онда құқық қорғаушы, заңгер мен сарапшылар адам құқығы негіздерінен сабақ береді. Мақсаты — азаматтардың құқық қорғаудағы белсенділігін арттыру. 

Курсқа 30 адам қатыса алады. Ұйымдастырушылар іс-шара 21 наурызда өтеді деп жоспарлап отыр. Қалада карантин күшейтілсе, ол кейінгі шегерілуі не онлайн өтуі мүмкін. Курс ұзақтығы — алты ай, орысша өтеді.

Қатысушылар:

• 18–35 жаста болуы;
• оқу кезінде астанада болуы керек. 

Қатысу үшін 13 наурызға дейін мына анкетаны толтыру қажет. Нәтижесі 20 наурызға дейін шығады. 

Сұрақтарыңыз болса, қордың Instagram парақшасына — @erkindik_qanaty — жазыңыз.