Фото: KAZPRAVDA.KZ

Жемқорлыққа қарсы іс-қимыл агентті төрағасының бұрынғы орынбасары Мақсат Қожабаев жемқорлық айыбымен ұсталды. Бұл жөнінде Ұлттық қауіпсіздік комитеті хабарлады. 

– 9 қаңтарда жемқорлық күдігімен ұлттық қауіпсіздік комитеті құқық қорғау органының бұрынғы лауазымды қызметкері М Қожабаевты ұстады, – делінген ҰҚК баспасөз қызметі таратқан мәлімдемеде. 

ҰҚК мәліметінше, тергеп-тексеру амалдары жалғасуда. Өзге ақпараттар жариялауға жатпайды. 

Мақсат Қожабаев 2021 жылы шілде айында президент Қасым-Жомарт Тоқаевтың жарлығымен жемқорлыққа қарсы іс-қимыл агенттігі төрағасының орынбасары болып тағайындалған. 2022 жылдың сәуірінде қызметінен босатылған.