Фото: Ашық дереккөзден

Армения Ұжымдық қауіпсіздік туралы шарт ұйымына мүшелігін тоқтатты. Бұл жөнінде France 24 хабарлады. 

– Ұжымдық қауіпсіздік туралы шарт, біздің ойымызша, Арменияға қатысты, әсіресе 2021-2022 жылдары орындалмады. Бұл біздің назарымыздан тыс қала алмады. Біз осы шартқа қатысуды тоқтаттық. Әрі қарай не болатынын көрейік, – деді Армения премьер-министрі Никол Пашинян. 

Армения аумағындағы Ресей әскери базасын жабу жөніндегі сұраққа Пашинян «әзірге ондай мәселе жоқ» деп жауап берді. 

ҰҚШҰ құрамына Армениядан бөлек, Қазақстан, Қырғызстан, Тәжікстан, Беларусь және Ресей кіреді.