Фото: vlast.kz

9 желтоқсанда Алматыда қаржы нарығын реттеу агенттігінің алдында жүздеген адам жиналып, несие амнистиясын талап етті. Мұны Vласть хабарлайды. 

Агенттіктегілер олар 8 желтоқсанда жинала бастағанын айтады. Жиылғандар бірнеше күн бұрын бір топ адамның несиесі кешірілгенін естіп келдік дейді. Олардың сөзіне сенсек, агенттік таңертең несиесі бар 50 шақты адамды қабылдаған, бәрі мәз болып шыққан. 

6 желтоқсанда тіркелмеген Демократиялық партияның жетекшісі Жанболат Мамай бір тұрғынның несиесі кешірілген деп хабарлаған еді. Агенттіктегілер бұл жалған ақпарат дейді. Ал Мамай ешқандай ақпарат таратпадым деп жауап берген Vласть-қа. 

— Кеше әлеуметтік желілер мен WhatsApp чаттарында осы мәселе туралы айтқан әйелдің хабарламасы тарады, — дейді ол.

Несиелілер агенттік таратқан қағаздарды толтырды. Басқарма бұл құжаттар неге қажет екенін айтпады.