Фото дереккөзі: tengrinews.kz

1 қыркүйекте Парламент палаталарының біріккен отырысы өтеді. Онда Қазақстан президенті Қасым-Жомарт Тоқаев халыққа сөз сөйлейді. Бұны ҚазАқпарат хабарлады.

— Мемлекет басшысының Қазақстан халқына арнаған жыл сайынғы дәстүрлі Жолдауы 2020 жылдың 1 қыркүйек күні өтетін Парламенттің кезекті сессиясының ашылуында жарияланады деп жоспарланып отыр, — деген президенттің баспасөз хатшысы Берік Уәли Facebook-те. 

Оның айтуынша, депуттаттар отырысында Тоқаев елдің дағдарыстан кейінгі даму жолдарын айтпақ. Жолдаудың басым бөлігі экономика мен әлеуметтегі мәселелерге арналады.