Тоқаев: Екі айда үкімет офшорда жатқан ақшаны қайтарудың амалын табуы керек

Президент үкіметтің кеңейтілген отырысында министрлерге тапсырма берді


08/02/2022
16:08 31896 0

Фото: ria.ru

 

Министрлер кабинеті екі ай ішінде офшорда жатқан заңсыз ақшаны елге қайтарудың амалын табуға тиіс. Осылай деп президент Қасым-Жомарт Тоқаев үкіметке тапсырма берді. 

 

Бұрын мәжілісмен әрі «Ақ жол» партиясының депутаты Мақсат Раманқұлов елдегі олигархизация мен офшоризацияны тоқтатып, халықтан жымқырылған қаражатты қайтару керегін айтқан еді. 

 

— Tax Justice Network халықаралық ұйымының дерегіне сенсек, кейінгі 25 жылда Қазақстаннан шетел офшорларына 140–160 миллиард доллар аударылған. Бұл көрсеткіш елдің жылдық жалпы ішкі өнімі мен сыртқы қарызына тең, — дейді депутат.

 

Раманқұловтың сөзінше, кейінгі бес жылда құқық қорғау органдары заңсыз ақша шығару туралы 200 іс қозғаған, бірақ айтарлықтай нәтиже болмаған. 

 

Офшор деген не екенін мына жерден оқыңыз.

Поделиться

Нет комментариев.

08/02/2022 16:08
31896 0

Уведомление