Фото: vlast.kz

Батыс Қазақтан облысы мемлекеттік кірістер басқарамасы «Абырой» қоғамдық бірлестігіне айыппұл салу, қызметін үш айға тоқтату туралы шешімін жойды. Мұны ұйымның жетекшісі Лұқпан Ахмедияров Facebook-та хабарлады. 

— Жақсы жаңалығым бар. БҚО мемлекеттік кірістер басқармасы негізсіз деп «Абырой» ҚБ-не айыппұл салу және қызметін үш айға тоқтату туралы шешімінің күшін жойды. Әкімшілік іс тоқтатылды. Басқарманың лауазымды тұлғалары жауапқа тартылады, — деп жазды журналист.

3 наурызда басқарма ұйымға 583 мың теңге айыппұл салып, қызметін үш айға тоқтатқан еді.  

Биыл Қазақстанда бірнеше үкіметтік емес ұйымға айыппұл салынып, қызметі тоқтатылған. Кейін бұл шешімдер алып тасталды.