Мансұр Мовлаев деген кім

Мовлаев – Шешенстан басшысы Рамзан Қадыровты сынайтын оппозициялық белсенді. 2020 жылы сот оны есірткі таратқаны үшін үш жылға бас бостандығынан айырған, алайда Мовлаевтың өзі бұл істі жала деп атады.

Шартты түрде мерзімінен бұрын босатылған белсендіні Шешенстанда ұрлап, құпия түрмеде ұстаған. Кейін Мовлаев Қырғызстанға қашып, онда 2023 жылдың қарашасында алты ай түрмеде отырды, содан кейін қуылды.

Қазақстанға қашан келді?

Мовлаев Қазақстанға өз бетінше келді. 2024 жылдың қазанында ол Шешенстандағы бауырларын ұрлап, азаптағанын хабарлады, ал 2025 жылдың мамырында Ресейдің іздеу өтініші бойынша Алматыда ұсталды. Оған бопсалау және экстремизм бойынша айып тағылды. Сол айда Мовлаев баспана іздеуші мәртебесін алды, бұл оны экстрадициядан уақытша қорғады. 2025 жылдың желтоқсанында ол саяси баспанаға өтініш берді.

2026 жылдың 30 қаңтарында Қазақстанның Бас прокуратурасы 30 қаңтарда Ресейдің шешен оппозиционері Мансұр Мовлаевты экстрадициялау туралы өтінішін қанағаттандырған. Алайда бүгін бұл процесс тоқтатылғаны хабарланып отыр.