Қазақстандық спортшы Польша және Үндістан балуандарын, сондай-ақ түркиялық Бусе Тосунды жеңді.

72 келі салмақта сынға түскен Жәмилә 2025 жылғы әлем чемпионатында Бусе Тосунға есе жіберген еді. Қазақстандық спортшы Албанияда қарымта қайтарды.

Бақбергенова алтын жүлде үшін белдесуде қырғызстандық Нұрзат Нұртаеваны 14:3 есебімен сенімді түрде жеңді.

Жәмилә Бақбергенова – әлем чемпионатының төрт дүркін күміс жүлдегері және Азия чемпионатында төрт рет топ жарған тәжірибелі балуан.

Айта кетейік, бұған дейін дәл осы турнирде 50 келіде Зейнеп Баянова және 55 келіде Лаура Алмағанбетова жеңіске жеткен.