Тарихи жеңіс: АҚШ Сенатына сайланған алғашқы мұсылман жайлы не белгілі?
АҚШ-тың Мичиган штатында өткен Сенат сайлауында Демократиялық партияның өкілі Абдул Эль-Саид жеңіске жетті. Ол – Америка Конгресінің жоғарғы палатасына сайланған алғашқы мұсылман.
17:12
0
Америкалық БАҚ-тың алдын ала болжамы бойынша, Эль-Саид республикашыл Майк Роджерстен озып шыққан. Роджерс бұған дейін Конгресс мүшесі әрі ФБР қызметкері болған. Оны АҚШ президенті Дональд Трамп қолдаған.
Демократтар сенатор Гэри Питерстің қайта сайлауға түспеу туралы шешімінен кейін бос қалған орынды сақтап қалды.
42 жастағы Эль-Саид – дәрігер, қоғамдық денсаулық сақтау саласында бұрын мемлекеттік қызмет атқарған. Отбасы АҚШ-қа Мысырдан көшіп келген. Бұған дейін сайланбалы мемлекеттік қызметте болмаған. Оның жеңісі Демократиялық партияның прогрессивті қанаты үшін маңызды жетістік саналады.
Сайлауалды науқан кезінде Эль-Саид халықтың күнделікті тұрмыс шығынын азайтуды, корпорациялардың саясатқа ықпалын шектеуді және баршаға қолжетімді медициналық сақтандыру жүйесін енгізуді жақтайтынын мәлімдеді.
Еске салайық, АҚШ-та Конгресс сайлауы 3 қарашада өтті. Сайлаудың алдын ала нәтижесі бойынша демократтар Конгрестің қос палатасында да басымдыққа ие болды.
Facebook
Twitter
Vkontakte
Telegram
Whatsapp
Нет комментариев.