ХОК-тың жаңа талабы: әйелдер жарысына қатысушылар генетикалық тест тапсырады
Халықаралық олимпиада комитеті (ХОК) әйелдер арасындағы жарыстарға қатысу ережелерін өзгертетін жаңа шешім қабылдады.
08:06
29
0
Жаңа ереже
Жаңа талаптарға сәйкес, спортшылар енді өз жынысын генетикалық тест арқылы растауы тиіс. Бұл өзгеріс 2028 жылы Лос-Анджелес Олимпиадасынан бастап күшіне енеді.
Әйелдер санатында өнер көрсету үшін спортшы өзінің биологиялық жынысын дәлелдейді. Нақтырақ айтқанда, генетикалық тест арқылы SRY генінің бар-жоғы анықталады. Бұл ген әдетте ер жынысының биологиялық белгісі ретінде қарастырылады.
Тексеру сілекей, ұрттан алынатын жағынды немесе қан талдауы арқылы жүргізілуі мүмкін.
SRY гені нені білдіреді?
ХОК мәліметінше, SRY генінің болуы ағзаның ер типі бойынша дамығанын көрсетеді және күш, төзімділік пен физикалық қуат жағынан артықшылық беруі ықтимал.
Дегенмен, ерекше жағдайлар да ескерілген. Мысалы, андрогендерге толық сезімталдықтың жоқтығы синдромы (CAIS) бар адамдарға жеңілдік қарастырылуы мүмкін. Мұндай жағдайда тестостерон ағзаның физикалық қасиеттеріне әсер етпейді.
SRY гені анықталған спортшылар, оның ішінде трансгендер адамдар, ерлер немесе аралас санаттарда жарыса алады.
ХОК бұл шешім бұқаралық спортқа қатысты қолданылмайтынын нақтылады.
Facebook
Twitter
Vkontakte
Telegram
Whatsapp
Нет комментариев.