Қазақстан Турловқа майдай жақты: Әлемдік Forbes рейтингінде қанша “қазақ” бар

Америкалық Forbes журналы дәстүрлі Forbes World’s Billionaires — әлемдегі ең бай адамдар тізімін жариялады.

02/04/2025

19:41

Автор: masa.media

Коллаж Masamedia.kz

Forbes әлемдегі миллиардерлердің тізімін 1987 жылдан бері түзіп келеді.

АҚШ — ең көп миллиардері бар ел (902 адам), одан кейін Қытай (Гонконгпен бірге 516) және Үндістан (205) тұр.

Деректер 2025 жылғы 7 наурыздағы акция бағалары мен валюта бағамдарына негізделген.

Тізімнің көшбасында — Илон Маск ($342 млрд), Марк Цукерберг ($216 млрд) және Джефф Безос ($215 млрд).

Қазақстаннан тізімге жеті адам енді:

Вячеслав Ким – Қазақстандағы ең бай бизнесмен ретінде бірінші орында. Kaspi.kz компаниясының акционері және директорлар кеңесінің төрағасы. Оның байлығы — $7,1 млрд, әлемдік рейтингте 464-орын.

Михаил Ломтадзе – 597-орында, байлығы $5,9 млрд.

Тимур Турлов – Freedom Holding негізін қалаушы. 605-орында, байлығы $5,8 млрд. Бір жыл бұрын ол $3,3 млрд болған.

Владимир Ким – KAZ Minerals және Қазахмыс акционері. Оның байлығы $5,7 млрд, рейтингте 620-орын.

Тимур және Динара Құлыбаевтар – «Алмэкс» холдинг тобының иелері. Екеуі де $5,3 млрд байлығымен 673-орынды бөліседі.

Булат Өтемұратов – ForteBank акционері. Оның байлығы $3,7 млрд, тізімде 979-орында.

Айта кетейік, қазақстандықмиллиардер Тимур Турлов Forbes тізіміндегі бестікте алғаш 2023 жылы бой көрсетті. Ол кезде оның байлығы 3,1 млрд долларға бағаланған. Екі жылдан кейін 5,8 млрд долларға бір-ақ жетті. Владимир Кимның де байлығы осы аралықта екі есеге көбейген.

Ресейден қоныс аударған Турловқа Қазақстанның(Алматының) ауасы жақты ма, әлденіп шыға келді. Турловтың капиталы өткен жылмен салыстырғанда 75 пайызға өсіп, 5,8 миллиард долларға жеткен.

Forbes АҚШ президенті Дональд Трамптың байлығын 5,1 миллиард доллар деп бағалады. Демек, Турлов Қазақстанға келгелі Трамптан да байып кетті.

Мәскеуде туған Турлов 2022 жылы Қазақстан паспортын алды. Ол Ресейде соғыс басталған соң, нарықтан кететінін мәлімдеген.

Ал Кимге келетін болсақ, Kaspi компаниясының 2024 жылдың бірінші жартыжылдығына арналған есебіне сәйкес, компанияның табысы өткен жылдың осы кезеңімен салыстырғанда 36% өсіп, 1152 млрд теңгені құрады. Ал таза пайдасы 25% артып, 466 млрд теңгеге жеткен.

Статьи по темам

Адамдар:

Басқа: