Өзбекстанда президент сайлау өтті. Жеңіске Шавқат Мирзиёев жетті

Қолда бар ақпаратқа сүйенсек, президент дауыстардың 80%-ын жинаған


26/10/2021
10:54 34219 0

Фото: rambler.ru

 

Өзбекстанда президент сайлау өтіп, жеңіске қазіргі мемлекет басшысы Шавқат Мирзиёев жетті. Қолда бар қорытындыға сенсек, кандидат дауыстардың 80%-ын жинаған дейді «Медиазона». 

 

Өзге үміткерлер мынадай дауыс жинаған: «Миллий тикланиш» партиясынан қатысқан Әлішер Қадыров (5,5 %), Халық демократиялық партиядан түскен Мақсұд Варисов (6,6 %), «Адолат социал-демократиялық партиясынан шыққан Бахром Әбдуқалімов (3,4 %) пен Экологиялық партиядан қатысқан Нарзұлла Обломұрадов (4,1 %). 

Орталық сайлау комиссиясы дауыс беруге сайлау құқығы барлардың 80%-ы (16 миллион) келген дейді. Оның үш мыңнан астамы — коронавирус жұқтырғандар. Олар және өзге науқастар ауруханадағы сайлау учаскелерінде дауыс берген. 

Бұл сайлау — тәуелсіз Өзбекстан тарихындағы алтыншы сайлау.

Қазақстан, Ресей және Беларус президенттері Мирзёевты құттықтады.

 

Поделиться

Нет комментариев.

26/10/2021 10:54
34219 0

Уведомление