Тоқаев президент сайлауын биыл күзде өткізуді ұсынды

Қасым-Жомарт Тоқаев президент сайлауын кезектін тыс өткізбек


01/09/2022
12:20 23694 0

Президент Қасым-Жомарт Тоқаев кезектен тыс президент сайлауын биыл күзде өткізуді ұсынды. Ол бұл жөнінде парламент сессиясының ашылуында жасаған халыққа жолдауында айтты. 

 

– Мен биылғы күзде кезектен тыс Президент сайлауын өткізуді ұсынамын.

Әділетті Қазақстанды құру жолында түбегейлі және жан-жақты реформаларды табысты жүзеге асыру үшін халықтың жаңа сенім мандаты қажет. Мен үшін мемлекет мүддесі бәрінен биік. Сондықтан мен өкілеттік мерзімімді қысқартуға және кезектен тыс Президент сайлауына баруға дайынмын, – деді Тоқаев.

 

Бұдан бөлек, Тоқаев президенттің өкілеттік мерзімін 7 жылдық бір мерзіммен шектеуді, одан ары сайлануға тыйым салуды ұсынды. 

 

– Сондай-ақ, мен көп ойланып, Президент өкілеттігі мерзімдерінің санын және ұзақтығын қайта қарау қажет деген байламға келдім. Президент мандатын ұзақтығы 7 жылдық бір мерзіммен шектеуді ұсынамын. Бірақ қайта сайлануға тыйым салынады,  деді Тоқаев. 

Поделиться

Нет комментариев.

01/09/2022 12:20
23694 0

Уведомление