Конституцияға түзетулер енгізу бойынша референдум мерзімі президент жарлығы шыққаннан кейін белгілі болады. Бұл жөнінде Орталық сайлау комиссиясының өкілі Шавкат Өтемісов мәлімдеді. 

«Референдум туралы» заңның 3 бабында «референдумда Назарбаевтың ерекше мәртебесі талқыланбайды» деп жазылған. Бүгін мәжіліс мақұлдап, сенатқа жіберген «Референдум туралы заңға» өзгертулер мен толықтырулар енгізу туралы заң жобасында 3 бапқа қандай түзетулер енгізілгені әзірге белгісіз. 

Өткен аптада президент Қасым – Жомарт Тоқаев Конституцияға түзетулер енгізуге бойынша республикалық референдум өткізуді ұсынған. 

Ата заңның 33 бабына 56 түзету енгізу жоспарлануда. Сәуірдің 25-і күні Конституцияға түзету енгізу бойынша жұмыс тобы дайындаған өзгертулерін жариялаған. Онда 1995 жылы таратылған Конституциялық сотты қалпына келтіру; Парламент жұмысы мен сайлау жұмысын өзгерту; Президентке саяси партияларға мүше болуға, туыстарына саяси, квазимемлекеттік секторда лауазымды қызмет атқаруға тыйым салу мәселелері қарастырылған. Бұдан бөлек, өзгертулерде экс-президент Нұрсұлтан Назарбаевқа «тәуелсіз Қазақстанның негізін қалаушы» мәртебесін беру ұсынылған.