Назарбаевтың Тәуелсіз Қазақстанның негізін қалаушы статусын Конституцияға енгізеді. Бұл жөнінде Коституцияға өзгертулер мен толықтырулар енгізу бойынша жұмыс тобының мүшесі, заңгер Ермек Абдрасулов мәлімдеді. 

—Тұңғыш президенттің статусына келетін болсақ, ол бізде Ата заңда Конституция мен коституциялық заңдармен реттеледі деп жазылған. Жұмыс тобы бұл статусты заңдарға жүгінбей ақ, Конституцияның өзінде айқындау қажет деген ұйғарымға келді. Яғни, тұңғыш президент – Тәуелсіз Қазақстанның негізін қалаушы. Осы статус айқындалады,  — деді Абдрасулов брифингте.