Фото: times.kz

Президент Қасым-Жомарт Тоқаев Төтенше жағдайлар министрлігін құру туралы жарлыққа қол қойды. Бұны Ақорданың ресми сайты хабарлады. 

Жаңа министрлікке ішкі істер, индустрия және инфрақұрылым, ұлттық экономика министрлігінің өкілеттері өтті. Олар:

• табиғи, азаматтық қорғаныстағы (халықты қорғау), өрттен болған төтенше жағдайларды болдырмау;
• өнеркәсіптегі қауіпсіздік саласындағы мемлекеттік саясатты қалыптастырып, оны жүзеге асыру;
• материалдық резервті қалыптастыру және дамыту. 

Министрлікте кім жұмыс істейтінін үкімет президент әкімшілігімен келісіп бір ай ішінде шешеді. 

Бұрын осы министрлік 2014 жылы жойылып, өкілеттері ішкі істер министрлігіне өткен еді.