Фото: Ашық дереккөзден

Қазақстан қорғаныс министрлігіне сілтеген БАҚ биыл да 9 мамырда әскери парад өтпейтінін хабарлады. Министрлік бюджет қаржысын үнемдеу мақсатында әскери бөлімдерде патриоттық шағын іс-шаралармен шектелетінін айтқан.  

Қорғаныс министрлігі 2022 жылы да ақша үнемдеуді алға тартқан. 2020 және 2021 жылдары парад COVID-19 індетіне байланысты өтпеген.

Биыл Ресейдің Украинамен шекарадағы облыстарында да 9 мамырға байланысты парад өтпейді.

Ресейдің «Ведомости» басылымы Мәскеуде өтетін Жеңіс парадына шетелден тек Қырғызстан президенті Садыр Жапаров қатысатынын хабарлаған. Былтыр Мәскеудегі парадқа Орталық Азия елдері басшыларының ешқайсысы бармаған.