АҚШ-тың бірінші ханымы туралы фильм ОАР-да көрсетілімнен алынды
Оңтүстік Африка Республикасында АҚШ-тың бірінші ханымы Мелания Трамп туралы фильм тұсаукесерге бірер күн қалғанда көрсетілімнен алынды.
09:09
114
0
«Соңғы жағдайларға» байланысты...
News24-тің жазуынша, дистрибьютор фильмді көрсетілімнен алу туралы шешім неліктен қабылдағанын түсіндірмеген.
«Оңтүстікафрикалық дистибьютор Filmfinity және Nu Metro және Ster-Kinekor кинотеатрлар желісінің «Мелания» фильмін аяқ астынан көрсетілімнен алып тастады», - делінген басылымда.
Filmfinity фильм соңғы жағдайларға байланысты көрсетілмейтінін мәлімдеген. Алайда нақты нені меңзеп тұрғанын тарқатып айтпаған.
75 млн доллардың туындысы
Фильмнің әлемдік премьерасы 30 қаңтарға жоспарланған.
Бұған дейін АҚШ-тың National Research Group (NRG) зерттеу компаниясының деректеріне сілтеме жасай отырып Puck медиа компаниясы АҚШ президентінің әйелі туралы фильм АҚШ пен Канадада прокаттың алғашқы аптасында 5 млн доллар жинауы мүмкін екенін жазған.
Деректі фильмнің жалпы бюджеті – 75 миллион доллар. Туындыны Amazon MGM Studios түсірген.
Facebook
Twitter
Vkontakte
Telegram
Whatsapp
Нет комментариев.