Фото: domofoto.ru

Алматыда 28 жастағы әйел үш баласымен бірге 9-қабаттан секіріп, қаза тапты, балалар да мерт болды дейді Алматының полиция департаменті.

— Оқиға Жетісу ықшамауданындағы көп пәтерлі үйде болды. Әйел мен оның үш баласы 9-қабаттың терезесінен секіріп, мерт болды. Балалар 2015, 2016 және 2019 жылдары туған. Әйел мен екі бала сол жерде, үшіншісі жедел жәрдем көлігінде көз жұмды. Қылмыстық кодекстің 105-бабына («Өзіне қол салуға итермелеу») сай іс қозғалды, — дейді департаменттің баспасөз қызметі. 

Полицияның болжамына сенсек, суицидке тұрмыстағы жанжал түрткі болған. Әйел секірер алдында хат қалдырып кеткен. Істің анық-қанығы зерттеліп жатыр. 

Оқиға болған үйдің тұрғынының айтқанына қарағанда әйел әуелі балаларды лақтырған, кейін өзі секірген.