Адвокаттың мәлімдемесі

Адвокат Азамат Сағалға сілтеме жасаған Lada.kz-тің жазуынша, сотталған бұрынғы командир Дамир Досовтың кассациялық шағымы қанағаттандырылмаған. Бұған дейін шығарылған үкім өзгеріссіз қалды.

ҚР қылмыстық істер жөніндегі кассациялық сотының отырысы 27 қаңтарда өтті. Процесс барысында Дамир Досовтың кассациялық шағымы қаралғанымен, сот төменгі сатыдағы инстанциялардың шешімін қайта қарауға негіз таппады.

– Әділдік орнады. Қолдау білдірген баршаңызға рақмет, – деді адвокат.

Сарбаздың оққа ұшуы

Қайғылы оқиға 2024 жылдың 7 қыркүйегінде «Батыс» өңірлік қолбасшылығының бөлімшелері полигондағы оқу-жаттығу жиындарын өткізіп жатқан сәтте болған. Қарумен жұмыс істеу ережелерінің бұзылуы салдарынан мерзімді әскери қызметші Марат Барқұлов (19 жаста) оқ тиіп, қаза тапты.

Оқиғадан кейін взвод командирі Дамир Досов айыпталушы ретінде сотқа тартылды. 2025 жылғы қаңтарда алғашқы сот отырысы өтті. Досов кінәсін мойындамай, оқ қасақана емес, абайсызда атылғанын мәлімдеді. Прокурор оған 13 жыл бас бостандығынан айыру жазасын сұрады.

24 қаңтарда сот Дамир Досовты ҚР ҚК 99-бабының 1-бөлігі («Адам өлтіру») бойынша кінәлі деп танып, 13 жылға бас бостандығынан айырды.

Сарбаздың әкесі Ербол Күнтінов, сот ше

шімімен келіспейтінін мәлімдеген. Алайда әскери соттың апелляциялық алқасы үкімді өзгеріссіз қалдырды.